Publikum sesongen 2024/2025

Takk for viktige opplysningar om publikumssituasjonen frå Sørum og Kristian! Dei kjem med viktige detaljar og vurderingar.

Kristan skriv: "Jeg mener jo som i fjor at det er best å sammenlikne med hvordan det så ut på samme tid som året før, og ikke hele sesongen, fordi oppslutningen er ulik gjennom sesongen. Stort sett tilsier historien at tallene øker i siste del."

Er heilt i samd i denne vurderinga, og dessutan er fjordårssesongen ikkje lengre unna i tid enn at folk hugsar ein del av den, og då er det interessant å jamføre, slik Kristian no har gjort. Dei som vil ha eit best mogleg oversyn for kvart lag, bør gå til tabellen som Kristian har laga, og ikkje til min.

Når det gjeld ein samla prognose for sesongen, meiner eg det er betre å bruke fleire år til jamføring, for om fjordårssesongen har hatt ei unormal utvikling, kan det slå dårleg ut i prognosen. Som nemnt i innlegget mitt, har eg etter skjønn landa på fem sesongar.

Og som det også står i innlegget mitt, kom eg til 1975 som er det nest beste resultatet i historia til 10-klubbserien. Det er vel også i tråd med det Kristian meiner når han skriv "Nå tror ikke jeg helt på at vi kommer til å overgå fjoråret i publikumstilstrømning til slutt ..."

Eg kjem tilbake etter 90 kampar, 2/5-delar av serien. Då veit vi mykje meir, alle har møtt alle heime, og vi veit resultatet av Hockey Classic.

Den andre femdelen av sesongen så og seia unnagjort. Her kjem det andre publikumsoversynet for EHL. Det er spela 88 kampar og her kjem resultata:

1 Stavanger 3673
2 Vålerenga 3234
3 Storhamar 2547
4 Sparta 2164
5 Frisk 2006
6 Lillehammer 1951
7 Stjernen 1470
8 Comet 1082
9 Narvik 704
10 Lørenskog 541

Gjennomsnitt 1937

Det mest oppsiktsvekkjand ved denne lista er den store tilbakegangen til Storhamar. I fjor låg Storhamar føre Våleringa, men i år ligg Vålerenga føre med god margin. Som venta greier ikkje Narvik å fylgje opp suksessen til Ringerike frå i fjor.

Gjennomsnittet etter andre delen av serien er godt over fyrste delen som var på 1855 - altså ein auke på heile 82. Noko av denne auken var venta fordi oppslutninga etter andre del har generelt vore større enn i fyrste delen. Men framfor alt kjem auken av at Lillehammer no har fått med Hockey Classic i statistikken med 7070 på tribunane i Håkons Hall.

For dei laga som har var med både i fjor og i år, er stillinga denne, lista opp etter framgag/tilbakegang:
Samanlikninga er med heile sesongen i fjor

NR, Lag, 2025, +/-

1 Lillehammer 1951 223
2 Vålerenga 3234 138
3 Stavanger 3673 15
4 Frisk 2006 9
5 Comet 1082 -3
6 Stjernen 1470 -60
7 Sparta 2164 -61
8 Lørenskog 541 -189
9 Storhamar 2547 -715

Gjennomsnitt 2074 2146 -71

Vi ser at Vålerenga har hatt god framgang også jamført med førre sesong, og at også Stavanger og Frisk har hevda seg godt. For Storhamar er det rett og slett stygge tal som sikkert no blir diskuterte i klubben. Det blir nok spørsmål om årsaka til den svake oppslutninga. Eg presiserer at desse tala er jamførde med førre sesongen utan noka justering. Tala for Lillehammer er difor altfor optimistiske her pga. Hockey Classic. Dei vil bli justerte i neste innlegget mitt som blir ein prognose.

Eg håpar også at Kristian publiserer ei jamføring med ståa etter 88 kampar i fjor

Her kjem den andre publikums-prognosen basert på om lag 2/5 delar av sesongen (88 kampar). Eg har teke utfordringa og prøver meg på ein prognose for publikumstalet basert resultata for 5 tidlegare sesongar. Med andre ord prøver eg å ta høgde for at publikumstalet aukar utover i sesongen


Basert på 45 kampar: 1976 (-59) (sjå tidlegare innlegg)
Basert på 88 kampar: 1948 (-87)


Vi ser at prognosen for heile sesongen basert på 88 kampar, gjev dårlegare publikumstal enn den førre etter 45 kampar. Noko av årsaka ligg i at det reelle talet for Hockey Classic kom på 7070 mot 9000 som eg la inn i prognosen etter 45 kampar. Det utgjer i snitt 9 personar. Hadde vi vist det etter 45 kampar, ville vi då ikkje fått -59, men -68. Det forklarar likevel berre ein del av at den nyaste prognosen gjev lågare tal enn den etter 45 kampar. Vi må vera så ærlege å seia at denne 2 delen av serien ikkje har stått heilt til forventningane.

Konklusjon

Når vi no jamfører med førre sesongen, må vi hugse på at det var ein rekordsesong. Det er ikkje grunn til stor pessimisme, for om oppslutninga blir på 1948, som prognosen seier, er det tredje best i historia til ti-klubbserien. Det er berre resultata i fjor og i 2017 som var betre. Nemnast må også at Ringerike i fjor presterte betre enn Narvik i år. Skilnaden utgjer 38 personar i snittet for alle laga.