Post by sorum on May 17, 2024 16:40:45 GMT 1
Austerrike
Medlem sidan 18. mars 1912, spelarar 7 557, ranking nr. 16, ishallar 61
Vi har her å gjera med ein gamal hockeynasjon med medlemsskap i det internasjonale forbundet sidan 1912. Då var det ikkje tale om republikken Austerrike, men keisarriket Austerrike/Ungarn med mangedobbelt areal jamført det som landet har i dag. Etter at keisarriket vart oppløyst, kom ein periode med oppblomstring av hockeyen utover på 1920-talet. Det kulminerte med bronse i VM i 1931 etter Canada og USA.
Slutten av mellomkrigstida vart svært turbulent, og det enda med «Anschloss», altså at landet gjekk inn i Det tyske riket. Det førde også til at somme klubbar spela i den tyske ligaen.
Det er tydeleg at den andre verdskrigen hadde sett hockeyen i Austerrike tilbake. Vi måtte vente heit til 1961 før vi fekk møte landet i VM som det året gjekk i Lausanne. Der vann Noreg 7 – 2 og vi slo dei suverent også på deira eigen is i Innsbruck-OL i 1964, 8 – 2.
Vi har møtt Austerrike heile 30 gonger i VM/OL. Årsaka er at vi ofte har spela på same nivå som Austerrike. Båe landa var faktisk nede i C-gruppa (nivå 3) i Sofia i 1975 der vi vann 2-0. Vi hadde eit svært godt tak på Austerrike frå det fyrste møtet i 1961 og fram til 1977. I den perioden vann vi alle kampane. Det fyrste tapet kom i 1984 i Klagenfurt og frå då av var det meir jamne kampar inntil vi kom opp på elitenivå. Sidan har vi vunne alle VM-kampane mot Austerrike: Moskva 2007, Kosice 2011, Bratislava 2019 og til slutt Tampere i 2022 som er det siste møtet. Der vann vi 5 – 3. Men vi hadde eit surt tap i Sotsji-OL 2014, 1 – 3.
Kamprekkjefylgja i dette meisterskapet har vore slik at vi så langt berre har møtt nasjonar som har vore betre ranka enn Noreg, og vi har ikkje hatt favorittstempel i nokon av kampane. Det får vi no, så vi får håpe at laget taklar det.
Til slutt tek vi statistikken som går sterkt i vår favør:
Kampar 30, 119-81 i mål, 19 sigrar, 2 uavgjort, 9 tap.
Medlem sidan 18. mars 1912, spelarar 7 557, ranking nr. 16, ishallar 61
Vi har her å gjera med ein gamal hockeynasjon med medlemsskap i det internasjonale forbundet sidan 1912. Då var det ikkje tale om republikken Austerrike, men keisarriket Austerrike/Ungarn med mangedobbelt areal jamført det som landet har i dag. Etter at keisarriket vart oppløyst, kom ein periode med oppblomstring av hockeyen utover på 1920-talet. Det kulminerte med bronse i VM i 1931 etter Canada og USA.
Slutten av mellomkrigstida vart svært turbulent, og det enda med «Anschloss», altså at landet gjekk inn i Det tyske riket. Det førde også til at somme klubbar spela i den tyske ligaen.
Det er tydeleg at den andre verdskrigen hadde sett hockeyen i Austerrike tilbake. Vi måtte vente heit til 1961 før vi fekk møte landet i VM som det året gjekk i Lausanne. Der vann Noreg 7 – 2 og vi slo dei suverent også på deira eigen is i Innsbruck-OL i 1964, 8 – 2.
Vi har møtt Austerrike heile 30 gonger i VM/OL. Årsaka er at vi ofte har spela på same nivå som Austerrike. Båe landa var faktisk nede i C-gruppa (nivå 3) i Sofia i 1975 der vi vann 2-0. Vi hadde eit svært godt tak på Austerrike frå det fyrste møtet i 1961 og fram til 1977. I den perioden vann vi alle kampane. Det fyrste tapet kom i 1984 i Klagenfurt og frå då av var det meir jamne kampar inntil vi kom opp på elitenivå. Sidan har vi vunne alle VM-kampane mot Austerrike: Moskva 2007, Kosice 2011, Bratislava 2019 og til slutt Tampere i 2022 som er det siste møtet. Der vann vi 5 – 3. Men vi hadde eit surt tap i Sotsji-OL 2014, 1 – 3.
Kamprekkjefylgja i dette meisterskapet har vore slik at vi så langt berre har møtt nasjonar som har vore betre ranka enn Noreg, og vi har ikkje hatt favorittstempel i nokon av kampane. Det får vi no, så vi får håpe at laget taklar det.
Til slutt tek vi statistikken som går sterkt i vår favør:
Kampar 30, 119-81 i mål, 19 sigrar, 2 uavgjort, 9 tap.