Post by sorum on May 12, 2024 19:47:57 GMT 1
Finland
Medlem sidan 10. februar 1928, spelarar 59 145, ranking nr. 2, ishallar 293
Finland utgjer ei barriere for Noreg som vi må sjå til å få brote. Trass i 28 møte med landet i VM og OL-samanheng i perioden 1949 – 2022, har vi aldri vunne over Finland. Vi får sjansen i Praha, men som vanleg blir det svært vanskeleg mot eit så godt lag som er ranka som nr. 2, og som vann VM i 2022. Same året vann laget også OL-gull.
Noko spesielt har hendt med Finland når det gjeld ishockey. Det har vorte nasjonalidrett nr. 1, noko også talet på ishallar viser. Her er det berre Canada, heimlandet til hockeyen, som slår Finland når ein reknar ishallar per innbyggjar. Finsk idrettskultur har gjort seg sterkt gjeldande gjennom historia i vintersport som ski og skeiser. Det er altså ikkje slik at hockeyen har mangla konkurranse frå andre idrettar.
Finland var med i VM for fyrste gong i 1939, men det var ikkje før i 1949 at vi møtte dei for fyrste gong i VM. Då vart det 3 – 7 tap i Stockholm. Rett etter krigen var ikkje Finland særleg gode i ishockey, og var heller ikkje med i VM og OL nokre år, men dei var med på norsk is både i 1952 og i 1958. Frå 1970-talet og fram til no har finnane vore temmeleg overlegne i møte med det norske landslaget.
I nokre kampar har vi likevel greidd oss bra. Vi har hatt 2 uavgjorde kampar i den perioden uavgjort var godteke som resultat (Fribourg 1990 og Wien 1996), og vi hadde uavgjort etter full tid i Halifax (2008) og i Paris (2017), men med tap i forlenging. Etter 2017 har vi hatt tre møte med finnane utan å vera nær ved å vinne. Det siste møtet var i storåret for finsk hockey i 2022 då Finland vart meister på eigen is og vi tapte 0-5.
Statistikken:
Kampar 28, 33-143 i mål, 0 sigrar, 2 uavgjorde, 2 tap etter forlenging og 24 reine tap.
Medlem sidan 10. februar 1928, spelarar 59 145, ranking nr. 2, ishallar 293
Finland utgjer ei barriere for Noreg som vi må sjå til å få brote. Trass i 28 møte med landet i VM og OL-samanheng i perioden 1949 – 2022, har vi aldri vunne over Finland. Vi får sjansen i Praha, men som vanleg blir det svært vanskeleg mot eit så godt lag som er ranka som nr. 2, og som vann VM i 2022. Same året vann laget også OL-gull.
Noko spesielt har hendt med Finland når det gjeld ishockey. Det har vorte nasjonalidrett nr. 1, noko også talet på ishallar viser. Her er det berre Canada, heimlandet til hockeyen, som slår Finland når ein reknar ishallar per innbyggjar. Finsk idrettskultur har gjort seg sterkt gjeldande gjennom historia i vintersport som ski og skeiser. Det er altså ikkje slik at hockeyen har mangla konkurranse frå andre idrettar.
Finland var med i VM for fyrste gong i 1939, men det var ikkje før i 1949 at vi møtte dei for fyrste gong i VM. Då vart det 3 – 7 tap i Stockholm. Rett etter krigen var ikkje Finland særleg gode i ishockey, og var heller ikkje med i VM og OL nokre år, men dei var med på norsk is både i 1952 og i 1958. Frå 1970-talet og fram til no har finnane vore temmeleg overlegne i møte med det norske landslaget.
I nokre kampar har vi likevel greidd oss bra. Vi har hatt 2 uavgjorde kampar i den perioden uavgjort var godteke som resultat (Fribourg 1990 og Wien 1996), og vi hadde uavgjort etter full tid i Halifax (2008) og i Paris (2017), men med tap i forlenging. Etter 2017 har vi hatt tre møte med finnane utan å vera nær ved å vinne. Det siste møtet var i storåret for finsk hockey i 2022 då Finland vart meister på eigen is og vi tapte 0-5.
Statistikken:
Kampar 28, 33-143 i mål, 0 sigrar, 2 uavgjorde, 2 tap etter forlenging og 24 reine tap.